4º EDUCACIÓN PRIMARIA

4º EDUCACIÓN PRIMARIA

Boa semana alumnas e alumnos!

Esta semana os contidos que vos presento son sobre a temática da Semana Santa, non podía ser doutro modo xa que sería a celebración da semana que vén; por iso, aquí vos deixo un enlace cun vídeo sobre a temática:

Superlibro - Última cena: https://www.youtube.com/watch?v=82nTLOCvn6U&list=PLHYVM16yOq7Usa6aBxsktxWS7juYS3KBi&index=12

Superlibro – Él ha resucitado: https://www.youtube.com/watch?v=hDAdKqkSp-o&list=PLHYVM16yOq7Usa6aBxsktxWS7juYS3KBi&index=9

Co lido na clase a última semana máis os vídeos que acabastes de ver, espero que teñades unha idea máis clara...

Mais agora... Vouvos propoñer unha actividade, tedes que organizarvos e crear:

- 3 grupos de cinco persoas.

- 1 grupo de catro persoas.

Feitos os grupos, ídesme enviar  un correo electrónico no que figuren os compoñentes de cada grupo. Tan pronto como os reciba crearei un grupo entre vós a través da ferramenta colaborativa en liña Google Drive, así calquera dúbida xa ma podedes preguntar a medida que realizades a tarefa.

A actividade é a seguinte: Creación dun diario secreto dun marciano que foi tomando notas dende o Domingo de Ramos até dous días despois de Pentecostes.

Póñovos en antecedentes:

O marciano ía tomando notas nos seus cadernos Secretos nesa época. Todo ía ben ata que... Un vento impetuoso o transformou a el tamén, facéndoo visible aos ollos humanos. Tivo que fuxir precipitadamente e na súa fuga caéronselle os seus Cadernos. Foron recollidos e gardados nun cofre. Ninguén entendía os caracteres misteriosos.

Hai un ano, un grupo galego de investigadoras e investigadores galego, atopou uns escritos antigos nun mercado. Grazas ás modernas técnicas da informática, púidose descifrar o misterioso diario. A redacción do Christian Express quérello entregar aos seus lectores como primicia do periodismo de investigación.

Cando teñades rematada a tarefa teredes que realizar unha presentación deses cadernos a través das TIC, podedes usar entre outras:

- Prezi

- Genial.ly

- PowToon

Tamén vos deixo unha listaxe con películas que podedes ver nos vosos ratiños libres, a cal, podedes modificar incluíndo outras películas:

- WALL- E

- Robots

- Monstruos vs. Aliens

- Epic

- Lluvia de albóndigas

- Home

Que saibades que as peli está postas por algo... Pois ben, preguntareivos sobre elas, a ver se aprendestes algo...

Calquera dúbida, non esquezades en preguntarma. Boa semana!

NOTA: Se non vos da tempo a rematar nesta semana, á volta da Semana Santa podedes seguir traballando na actividade!